Tseem Tos Nraug Hmoob Toj Siab Leeg Xwb

SoflynessKisses's picture

TSEEM TOS NRAUG HMOOB TOJSIAB IB LEEG XWB

Nraug Hmoob TojSiab:

Tos koj zaum no, xyuas kuv yuav quaj los yuav luag
Thaum kawg ntshe yuav yog kuv teev mi kua muag
Los kuv yeej tseem tuaj nyob ntawm no tos koj ib leeg xwb mog
Yuav tos ntev npaum licas los kuv yuav tos koj rov los txog.

Nim sawv ncig khuj khuav ntsia ntsoov lub hauv kev
Pom Nkauj hmoob MISSMAY tuaj mus dhau lawm ntev
Twb nug nws tias taug kev tuaj puas ntsib koj
Nws nim tias ua ib zoo saib koj yeej tsis tau ploj.

Nyob lub mi ntsej muag hmluas hmlob tos kuv mi-Nraug TojSIAB
Tos tos koj tau lawm ob peb hmo los tsis pom nws nes, kuv mi-nploojsiab
Ah...! puas yog koj tu-siab qhov twg rau kuv lawm
Los yog koj twb mus muaj dua koj mi NkaujNtxawm.

Nraug TojSiab, txhob ua rau kuv tag kev cia siab mog
Kuv tseem tos ntsoov hnub koj rov los txog
Wb yuav sib tuav tes mus ua si luag lis ntxhi li thaum ub
Tso kuv lub mi cev nkaujxwb rau koj ib leeg hlub.

Abbb....! Mi-Nraug TojSiab, puas yog kuv tuaj txog lig lawm
Koj twb tuaj tos tos kuv dhau wb lub sijhawm
Hmo no, kuv nim muab koj nco kawg siab ntsws
Siab quaj dhi los nim tsis muaj tus hlub tus plhws

Hmo no yog hmo 4 kuv tuaj tos koj ntawm no
Koj puas paub kuv lub cev tsuag zujzus vim txojkev nco
Yuav tuaj ncig khuj khuav ntawm toj roob
Tos ntsoov hnub rov ntsib TojSiab mi zoo nraugHmoob mog...

Forums: 

Tags: